قصة سفاح الجيزة الحقيقية؛ كيف سقط قذافي في يد الشرطة وأهم المعلومات عنه
قصة سفاح الجيزة الحقيقية؛ بعد النجاح الذي حققه مسلسل سفاح الجيزة والذي يتناول قصة شخص قام بقتل عدد من الأشخاص بمحافظة الجيزة في مصر بدم بارد وفي نفس الوقت كان يعيش في أكثر من منطقة وكل منطقة كان يتواجد بها بشخصية واسم ووظيفة وحياة مختلفة! من هنا جاء البحث عن قصة سفاح الجيزة الحقيقية وعن حقيقية الجرائم التي تمت، وهذا ما سوف نعرفه في السطور التالية.
قائمة المحتويات
قصة المسلسل وقصة سفاح الجيزة الحقيقية
مؤلف مسلسل سفاح الجيزة، قال إن هناك تشابه كبير بين المسلسل وقصة سفاح الجيزة الحقيقية وأنه أسرد أحداثا مستوحاة من قصة قذافي عبد العاطي السفاح الحقيقي، لكنه غير اسم السفاح وأسماء الضحايا والأشخاص الذين عاصروا الأحداث، كما أنه جمع عمليات القتل في توقيت زمني قريب، ولكنها في قصة سفاح الجيزة الحقيقية تمت في أوقات مختلفة، وبشكل عام غموض المسلسل وأحداثه جذب العديد من الأشخاص لانتظار حلقاته التي تُذاع على منصة شاهد في أيام معينة تحددها منصة شاهد نفسها.
مسلسل سفاح الجيزة قصة حقيقية مستوحاة من قصة قذافي عبد العاطي. مسلسل سفاح الجيزة قصة قاتل متسلسل في منطقة الجيزة مع تغير في الأسماء والأحداث، ومسلسل سفاح الجيزة من بطولة أحمد فهمي. لكن القصة الحقيقية لسفاح الجيزة هي ما سنعرضه لكم في التالي.
اسم القاتل الحقيقي
صاحب قصة سفاح الجيزة الحقيقية اسمه: قذافي فراج عبد العاطي ،وهو يُعد بالفعل أحد أبرز الشخصيات التي انتشرت قصتها بالقضاء المصري بسبب عدد الجرائم وطرق القتل الوحشية اللي اتبعها والذكية في نفس الوقت، ومن المثير للدهشة أن القبض على السفاح قذافي كان صدفة! وقد صدر ضد قذافي فراج عبد العاطي حكم بالإعدام شنقًا وهو ينتظر تنفيذه.
تفاصيل قصة سفاح الجيزة الحقيقية
في التالي نذكر تفاصيل قصة سفاح الجيزة الحقيقية بشيء من الإيجاز، وبعد ذلك نشرح بالتفصيل كل جريمة من جرائمه لوحدها، وسوف تكتشف من هذه الجرائم مدى ذكائه وقسوة قلبه في نفس الوقت:
- اسم سفاح الجيزة الحقيقي كما ذكرنا هو قذافي فراج عبد العاطي عبد الغني.
- من مواليد محافظة الجيزة في عام 1973 ميلادي.
- مكان نشأته: بولاق الدكرور، وكان من عائلة متواضعة.
- تخرج قذافي فراج عبد العاطي من كلية الحقوق.
- أماكن جرائمه: من الجيزة للإسكندرية.
- بدأ عمله كموظف عادي، ثم عمل في سمسرة العقارات (الوساطة العقارية) مع الوظيفة.
- لما تحصل على أموال كثيرة من العقارات ترك الوظيفة في عام 2014، وتفرغ لسمسرة العقارات.
- تزوج خلال حياته 7 مراته بشخصيات وأسماء مختلفة، من أشهرهم أنه تزوج من امرأتين، الأولى تُدعى رضا (أحد ضحاياه)، والثانية تُدعى فاطمة.
- قام بارتكاب أربع جرائم قتل بطريقة وحشية.
- الأولى من ضحاياه كانت أخت زوجته فاطمة، والثانية هي صاحب عمره، والثالثة هي زوجته رضا، والضحية الرابعة هي فتاة من الإسكندرية نصب عليها.
- تم القبض على قذافي فراج عبد العاطي عام 2020 بالصدفة! وكان باسم وشخصية من الشخصيات التي كان ينتحلها.
- خلال التحقيقات معه اعترف قذافي بجميع جرائمه.
- تم الحكم عليه بالإعدام، ورفضت المحكمة كل المحاولات للطعن على الحكم.
قذافي سفاح الجيزة هو من أذكى المجرمين، وسجل جرائمه يشمل: القتل والنصب والاحتيال وانتحال صفة الغير والسرقة.
أول جريمة قتل للقذافي
في عام 2015م تعرف قذافي على سيدة اسمها فاطمة الزهراء، والتي وصفته بأنه رجل خجول وطيب وهادئ في التعامل مع الناس، وقد تزوجها باسمه وشخصيته الحقيقية، وفاطمة كانت الزوجة الثانية لقذافي، حيث كان سبق له الزواج بنفس شخصيته الحقيقية من امرأة سابقة، ولكن فاطمة الزهراء لم تكن تعرف ذلك.
في عام 2015م قام قذافي بأول جريمة له وهي قتل نادين أخت زوجته فاطمة، حيث كان بينهما علاقة غير مشروعة قبل التقدم للزواج من فاطمة، ولما عرفت نادين أنه سوف يتجوز بأخته قررت أن تفضحه وتبين حقيقته أمام فاطمة وأهلها.
هنا قرر قذافي كيف يتخلص من نادين، وهداه تفكيره لحيلة شيطانية هي التالي:
- أقنع نادين إنها تمثل وده كان حلمها القديم.
- أحضر صديق له وأوهم نادين أنه مخرج سوري، وحاول إقناع أهلها بسفر نادين بره مصر علشان تقوم بأعمال فنية مقابل مبلغ مالي كبير.
- لما أصر أهل نادين على الرفض، جاب ليهم المخرج السوري المزيف في البيت، وبالفعل أقنع قذافي حماه وحماته بفكرة السفر وإن دي فرصة العمر لبنتهم، وفي الآخر وافقوا وسافرت.
- بعد خروج نادين من البيت للسفر، وبعد مدة بسيطة خالص انقطعت المكالمات الهاتفية بين نادين وأهلها، واقتصر التواصل كل فترة على رسائل نصية فقط.
- هنا كان قذافي قتل نادين بالفعل، وهو اللي كان بيرسل الرسائل دي كل فترة لأهل نادين، وكانت الرسائل عبارة عن إني مشغولة في التصوير ومش عارفة أتكلم صوت، حصل لي إصابة في الرجل، روحت بيت جديد مش فيه شبكة.
- أهل نادين شكوا في قذافي وتصرفاته وطلبوا منه الوصول للمخرج السوري لمعرفة مكان بنتهم.
قذافي بكل هدوء وبرود أعصاب دور معاهم عادي عليه وطبعًا مش وصلوا لحاجة، ودي كانت أول جريمة في قصة سفاح الجيزة الحقيقية.
“قد يهمك: من هو الداعية أمير منير ويكيبيديا؛ سبب القبض عليه مع أهم المعلومات عن هذه الشخصية”
الجريمة الثانية في قصة سفاح الجيزة الحقيقية
في نفس وقت وقوع أحداث الجريمة الأولى ضمن قصة سفاح الجيزة الحقيقية، كان لقذافي صديق اسمه مهندس رضا، والمهندس ده كان صديق العمر له، وكان شغال في المملكة العربية السعودية، وبعد محاولات عديدة أقنع قذافي المهندس رضا إنه يستثمر فلوسه في مجال الاستثمار العقاري، وبالفعل بدأ المهندس يبعت لقذافي فلوس شهريًا للاستثمار ده.
بعد 3 سنوات شك المهندس رضا في الموضوع وخصوصًا إن مفيش عائد مادي من الموضوع مع إن مجموع التحويلات منه لقذافي وصلت لمبلغ 3 مليون جنيه مصري وده كان مبلغ كبير وقتها، ولما عرف سفاح الجيزة إن صاحبه رضا قرر ينزل مصر ويواجهه بشكوكه عمل التالي:
- قابله في المطار عادي.
- أخذه على شقة كان اشتراها بفلوس المهندس بحجة يوريه الشقة عشان يتأكد إنه مش يخدعه، وكمان يعزمه على أكلة كشري كان المهندس نفسه فيها.
- الكشري كان به سم، ولما كله المهندس رضا وبدأ يتألم، راح قذافي على المطبخ وجاب حديدة كان مجهزها وضربه على رأسه أكثر من ضربه لحد ما تأكد إنه مات.
- بعدين حطه في شنطة، ونقلة من الشقة اللي هما فيها لشقة أخرى كانت برضه باسم مهندس رضا.
- في الشقة دي عمل حفرة ودفن صاحب عمره فيها.
- بعدين سفاح الجيزة بلغ أهل المهندس إنه قابله في المطار وقعد معاه شوية وبعدين سابه واح يقضي مصلحة ليه، وقالهم إن تليفونه اتقفل ومش عارف هوه راح فين.
- نزل قذافي مع أهل المهندس رضا يدورا عليه ولكن بدون فائدة.
- فجأة فيه رسالة ظهرت على موبايل أخت مهندس رضا من رقم غريب، ونصها إن أنا رضا أخوكي واضطريت أبعت رسالة من رقم غريب لأني اتقبض عليا وأنا ماشي جنب مظاهرة، والأمن مش عارف مرحلني على فين.
- طبعا الفترة دي كان فيها مظاهرات من الإخوان، وكان المشهور إن اللي يخده الأمن في المظاهرات مش يتعرف عنه حاجة.
- أهل المهندس رضا صدقوا الرسالة، ولفوا على الأقسام والمستشفيات ومش لقوا ابنهم.
بعد 5 سنوات اكتشف أهل المهندس رضا إن اللي بعت الرسالة هو سفاح الجيزة مش ابنهم، وكانت حسرة كبيرة لما عرفه إنه اتقتل؛ لأنه كان عندهم أمل إنه يخرج من الحبس اللي مش عارفين مكانه.
“قد يهمك: الكفيل المصري؛ هل يُشترط وجود كفيل مصري لمن يريد الإقامة بمصر؟”
الانتقام من زوجته الأولى: الجريمة الثالثة
نصل الآن إلى الضحية الثالثة في قصة سفاح الجيزة الحقيقية. لما وجد سفاح الجيزة إن عملية القتل وإخفاء الجثث أمر سهل قرر الانتقام من زوجته الأولى فاطمة زكريا، يعني قرر يقتلها هي كمان، وكان السبب في ده إن مراته دي لقت بطاقات كتيرة وفي كل بطاقة صورة لقذافي لكن كل بطاقة باسم وعنوان وعمل مختلف، وهنا حصل بينهم خناقة كبيرة، وزوجته فاطمة زكريا هددته إنها هتبلغ عنه لأنها شكت إنه نصاب.
هنا قذافي عمل التالي:
- حط ليها سم في الأكل.
- لما تأكد إنها ماتت، قرر تقطيع جثتها لأجزاء صغيرة.
- حط الأجزاء دي جوه ديب فريز لغاية ما تجمد.
- بعدين نقل الأجزاء دي لنفس الشقة اللي دفن فيها صاحبه المهندس رضا.
- عمل حفرة ودفن فيها مراته فاطمة.
- بعدين راح لأهل مراته، وقالهم إنها خدت منه فلوس وهربت ومش عارف مكانها.
- أهلها شكوا فيه، وعملوا محضر في قسم الشرطة يتهموا قذافي إنه المسؤول عن تغيب أو قتل بنتهم.
- لكن طبعًا لم يكن هناك دليل على ده، وخرج قذافي من التحقيقات بمنتهى السهولة.
لما خلص جريمة القتل الثالثة، قرر قذافي يجدد الشفة ويعرضها للإيجار. بالفعل عمل تجديدات في الشقة، وغير السيراميك، وسكن الشقة بالإيجار ناس لمدة 4 سنين وهما مش عارفين إن تحت السيراميك مدفون ناس مقتولة.
“اطلع على: سميرة الدغيدي ويكيبيديا؛ وأهم المناصب التي تولتها في مجال الإعلام”
قرار السفر إلى الإسكندرية
المهندس رضا كان عامل لقذافي توكيلات بكل أملاكه، وفي عام 2017 قرر قذافي إنه بالتوكيلات دي يبيع كل ممتلكات المهندس رضا، وبالفعل عمل كده وأخذ فلوس البيع وترك الجيزة وذهب إلى الإسكندرية. لكن قبل السفر للإسكندرية قرر يبعت رسالة لمحامي عائلة المهندس رضا مضمونها إني أنا المهندس رضا ومقبوض عليا وبترحل من مكان لمكان ومش عارف أنا فين بالضبط.
لما المحامي اكتشف إن كل ممتلكات رضا اتباعت والبائع هو قذافي، قرر يروح اسم الشرطة ويعمل بلاغ يتهم فيه قذافي رسميًا بالمسؤولية التامة عن اختفاء المهندس رضا، وهناك وجد كمية بلاغات كتير ضد قذافي من أكثر من شخص تتهمه فيها بالنصب والاحتيال.
“اقرأ أيضًا: شكل الثالول بالصور“
الضحية الرابعة: ياسمين بنت الإسكندرية
نأتي الآن لتكملة قصة سفاح الجيزة الحقيقية. سافر قذافي سفاح الجيزة إلى الإسكندرية (Alexandria)، ولكن باسم المهندس رضا وكان كل الورق اللي معاه بيقول إن اسمه كده، وعاش هناك بالاسم ده وأقنع الناس هناك إنه تخصص هندسة الإلكترونيات. بعد فترة من تواجده هناك، تعرف قذافي على بنت اسمها ياسمين اللي أعجبت بقذافي، وطبعًا كان معاها فلوس، وأقنعها وقتها قذافي إن عنده أفكار مُربحة للاستثمار وأقنعها كمان يأخذ منها فلوس عشان يستثمرها معاه.
في نفس الوقت نجح قذافي في إقناع ياسمين كمان إنه هيتزوجها، لكن بعد فترة طويلة من الوقت لقت ياسمين إن مفيش زواج أو جديد في العلاقة معاه، وهنا طلبت منه وأصرت إنه يرجع ليها فلوسها كاملة وإنه يتزوجها كمان، وهنا حدث التالي:
- السفاح قذافي قال لياسمين مش معايا فلوس، لكن هرجع ليكي قيمة الفلوس أجهزة كهربائية كنت شاريها، وكان حاططها في مخزن خاص بيه.
- اتفق معاها إنها تيجي بالليل تشوف بنفسها المخزن والأجهزة، وطبعا لأنها كانت معجبة بيه وتحبه راحت ياسمين عادي.
- المخزن كان في منطقة العصافرة.
- لما راحت ياسمين ودخلت المخزن، قذافي خنقها وضربها على رأسها، وبعدين حفر ليها حفرة ودفنها بالمخزن.
- هنا انتهت القصة بالنسبة لقذافي، وطبعًا اتعمل بلاغ باختفاء ياسين، لكن الشرطة مش وصلت لحاجة من الأساس.
باقي قصة سفاح الجيزة الحقيقية
بعد مرور فترة من الوقت تعرف قذافي المعروف بالإسكندرية باسم المهندس رضا على صيدلية من عائلة غنية اسمها نهى، وبعد فترة قرر يتجوز منها، وفعلًا حصل الزواج واستمر فقط لمدة ثلاثة شهور، وبعد كده طلبت الصيدلانية نهى الطلاق من زوجها مهندس رضا – قذافي – واللي وافق وفعلًا حصل الطلاق.
هنا قرر قذافي ينتقم من نهى وعائلتها، لكن القتل مكنش هنا هو طريقة الانتقام؛ لأنه كان عايز ينتقم من الكل مش من نهى فقط، وكان قرار الانتقام هو السرقة. قذافي لما عرف إن أهل طليقته الصيدلانية نهى خارج البيت في سفر، لبس نقاب وراح على بيت حماه وحماته، وفتح ودخل الشقة وسرق كل الذهب والفلوس اللي فيها، وكانت كمية كبيرة جدًا.
قذافي اختفى تمامًا بعد السرقة، وأهل طليقته شكوا فيه على طول، وعملوا محضر سرقة في قسم الشرطة واتهموه بإنه وراء جريمة السرقة للانتقام منهم، وطبعًا الشرطة مش عرفت توصل ليه لأنه اختفى تمامًا.
سقوط قذافي سفاح الجيزة
قذافي لما اختفى قرر يخليه في الإسكندرية وعمل ورق جديد باسم محمد مصطفى، وعاش في منطقة بعيدة عن منطقة أهل طليقته نهى، وبعد فترة اتعرف على بنت اسمها مي، واللي هي كمان كانت من عائلة غنية جدًا، وهنا قرر قذافي إنه عشان يتجوزها لازم يبان قدامها إنه معاه فلوس كتير، وعلى الرغم من كل النصب اللي عمله قذافي إلا إنه مكنش معاه فلوس كفاية وقتها!
هنا قرر قذافي يبيع مشغولات ذهبية من اللي كان سرقها من بيت أهل زوجته السابقة نهى، وبالفعل باع أول مرة كمية قليلة بكل سهولة، وصاحب محل الذهب مش شك خالص لأن كمية الذهب المباع بسيطة. لكنه تفاجأ بعد فترة بنفس الشخص – قذافي- معاه شنطة بها كمية مشغولات ذهبية كبيرة وعايز يبيعها مرة واحدة.
قذافي تقريبًا مجاش في باله إن الشرطة كانت وزعت على محلات الذهب أوصاف المشغولات الذهبية اللي سرقها، ولما فتح الشنطة في المحل، عرف صاحب المحل إنها نفس المشغولات المُبلغ بسرقتها، وحصل التالي:
- صاحب محل الذهب بدون ما يحس قذافي اتصل بالشرطة وحكى ليهم اللي حصل.
- الشرطة طلبت منه يعطل قذافي لحد ما توصل.
- الشرطة وصلت بالفعل وقبضت على المهندس رضا – اسمه بحسب بلاغ أهل مراته السابقة-.
- بعدين تم ترحليه إلى مديرية أمن الإسكندرية.
- الأمن اتصل على أهل المهندس رضا في الجيزة وبلغهم إنه تم القبض على ابنهم رضا في جريمة سرقة بالإسكندرية.
- طبعًا الأمن كان معتقد إن قذافي عبد العاطي هوه المهندس رضا لأن ده اسم زوج الدكتورة الصيدلانية نهى اللي أهلها مقدمين بلاغ سرقة الذهب والفلوس.
- أهل المهندس رضا راحوا بسرعة على الإسكندرية، لكنهم اكتشفوا إن ده مش ابنهم، ده قذافي صاحبه اللي باع كل ممتلكات ابنهم واختفى.
- هنا الأمن حقق مع قذافي، وبعد تحقيقات متواصلة قذافي اعترف بكل اللي حصل منه.
- تم استخراج الجثث وتم التعرف عليها من طرف أهلها.
- تم محاكمة سفاح الجيزة، وأصبحت قضيته قضية رأي عام في مصر، وبحث الكل عن حقيقية ما حدث وقصة سفاح الجيزة الحقيقية.
- المحكمة حكمت على قذافي عبد العاطي بعد أخذ رأي فضيلة مفتي الديار المصرية بالإعدام شنقًا.
ما سبق ذكره كان قصة سفاح الجيزة الحقيقية التي يبحث عنها العديد من الأشخاص، حيث تعرفنا على حقيقية وتفاصيل 4 حالات قتل ذكية وقاسية، كما تعرفنا كيف سقط قذافي أخيرًا في يد الشرطة، وأهم المعلومات عنه وعن حياته. في الختام، ننتظر تنفيذ حكم الإعدام في حق هذا السفاح عديم القلب والرحمة.
