إزاي تعمل فلوس؛ مع طرق أساسية لذلك

إزاي تعمل فلوس؛ مع طرق أساسية لذلك

إزاي تعمل فلوس (How to make money)؛ من المعروف إن الكل يبحث عن الفلوس ويحلم بالثراء والأموال نظرًا لأهمية المال في الحياة وقدرتها على تحقيق الكثير من أحلامنا وطموحاتنا. هنا في هذا المقال سوف نتكلم عن إزاي تعمل فلوس مع طرق أساسية لذلك؟ حيث سوف نعرض أهم 9 نقاط توضح ازاى تعمل فلوس كتير وتبين كيفية تحقيقها على المستوى الشخصي.

هنا اختارت لغة المقال تكون عامية؛ للوصول لأقصى استفادة من الكلام ولكن قبل أن نتكلم عن إزاي تعمل فلوس يجب الأول أن نتكلم عن بعض الأمور الهامة ضمن خطوات عمل المال، مثل: مبادئ الاقتصاد ولماذا يسيطر الدولار الأمريكي على العالم؟ والتخلص من الإدمان السلوكي والطريقة الأساسية للحفاظ على المال، ثم سنتعرف على خطوات عمل المال والثروة، كما سنذكر بعض طرق الربح من الإنترنت.


مبادئ الاقتصاد

مهم جدًا إنك تفهم مبادئ الاقتصاد والقواعد العامة له؛ علشان تقدر تفهم وضعك الاقتصادي وتحلل النظام الاقتصادي اللي حواليك، فعلم الاقتصاد من العلوم التي تدرس احتياجات الإنسان وكيفية تلبيتها ودراسة السلوك الإنساني المتعلق بالتالي:

  • كيفية حصوله على الأموال.
  • كيفية إنفاقه لهذه الأموال.

الاقتصاد نوعين، اقتصاد كلي وده مش موضوعنا خالص، واقتصاد جزئي وده اللي يهمنا، وهو يخص إزاي نصنع اقتصادنا الشخصي وإزاي نعمل فلوس وندير حياتنا المالية، ونفهم يعني إيه استثمار وادخار وميزانية، وإزاي نمتلك عقلية إدارية واقتصادية ناجحة.

الاقتصاد الجزئي (Microeconomics) يهتم بالفرد واقتصاده الشخصي والمشاريع الخاصة وأسعار السوق وكمية السلع والعرض والطلب داخل السوق، والوضع المادي لأفراد المجتمع وده اللي يهمنا أكثر في المقال ده.


لماذا يسيطر الدولار على العالم؟

مجموعة من الدولارات مبعثرة على الأرض لمعرفة قصة الفلوس وكيفية ارتباطها بالدولار
ارتباط الفلوس بالدولار

سؤال يشغل بال الكثيرين، وهو: لماذا يسيطر الدولار على العالم؟ علشان تعرف إجابة السؤال ده لازم تفهم قصة الفلوس وارتباطها بالدولار، وهي تتكون من إيه؟ كل الفلوس في العالم عبارة عن ورق ليس له قيمة، لكن الاحتياج والرغبة هما اللي يصنعوا القيمة للورق ده، وهنا هنتكلم ليه الدولار هو الأقوى؟ وإيه هو نظام صرف العملات العالمي؟

في البداية، الإنسان كان يبحث عن احتياجاته الأساسية فقط، وكان يستخدم نظام المقايضة: سلعة قصاد سلعة، وبعدين حصلت مشكلة إن ممكن أكون أنا محتاج اللي عندك بس أنت مش محتاج اللي عندي، فدورنا على حل بديل إن إحنا نعمل قيمة ثابتة الكل يتفق عليها وكل الناس تحتاجها، والاختيار الأنسب كان الذهب.

بعدين حصلت مشكلة تاني، إن الذهب (gold) وزنه تقيل وفي خوف إنه يتسرق خصوصًا في أعمال التجارة بين البلاد، وهنا ظهرت أول فكرة للبنوك. واحد اسمه جولدن سميث عمل فكرة إن الناس تشيل الذهب بتاعها عنده، وهو يديهم بيها إيصال مقابل جزء من ذهبهم، ومن هنا بدأت فكرة الأوراق المالية والفائدة (Securities and interest).

الناس هنا بدأت تعتمد على الإيصالات بشكل أكبر ومبقوش يروحوا يطلبوا ذهبهم، وده شجع جولدن سميث إنه يطبع كمية ورق أكثر من الذهب وهنا ظهر التضخم، وبدأت تنتشر الفكرة بين البلاد وكل بلد بقي ليه نظام بنكي خاص بيه، وهنا ظهرت مشكلة ثالثة، وهي إنك لما تشتري من بلد بالسندات دي لازم تسافر لنفس البلد علشان تأخد فلوسك، وكان الموضوع مرهق جدًا والناس بقت تحس إن الورق بقي أكثر من الذهب، فتجمعت الناس حوالين البنك علشان يخدوا ذهبهم واكتشفوا إن مفيش ذهب يغطي كل ده (تضخم)، وهنا بدأت فكره البنك الموحد (البنك المركزي) اللي بيساعد البنوك الصغيرة وبيمنع إفلاسها.

بعد الحرب العالمية الثانية، لقوا أن تلتين ذهب العالم عند أمريكا فقالوا نربط عملتنا بالدولار الأمريكي (U.S. dollar)، وبعدين جه الرئيس الفرنسي معجبهوش الوضع فبعت سفن عليها دولارات مقابل الذهب وباقي الدول قلدته، فطلع الرئيس الأمريكي ريتشارد نيكسون وأعلن تعويم الدولار وكل الدول برضه قلدته وفضلت العملات مرتبطة بالدولار على أساس العرض والطلب.

هنا نبقى وصلنا لنقطة مهمة إن الفلوس عبارة عن ورق والقيمة بتتمثل في حاجات تانية. لازم تغير من طريقة تفكيرك، مينفعش تفكر في الفلوس وتقول عايز أعمل فلوس لازم تفكر في القيمة اللي ورا الفلوس دي، فلما تحب تعمل فلوس لازم تفكر في القيمة الأول وهي دي هتبقى مصدر جني الفلوس.

“تعرف على: علاقة الذهب بالدولار


تحدد مهاراتك وإمكانياتك أول خطوة ضمن إزاي تعمل فلوس؟

إزاي تعمل فلوس؟ ازاي اكسب فلوس؟ وهو ده موضوع المقال ده، وهو سؤال يشغل تفكير ناس كتير، وهي متعرفش إجابه السؤال ده، بس في ناس تانية بتعرف كويس تعمل فلوس وببساطة شديدة ومجهود أقل. إنك تعمل فلوس دي حرفة ومهارة ملهاش علاقة بالشغل؛ لأن ناس كتير بتشتغل ومبتعرفش تعمل فلوس.

صناعة الفلوس بتعتمد على القيمة، وكل ما القيمة زادت الفلوس هتزيد. هدف كل الناس الانتقال من مرحلة الاحتياج إلى مرحلة الإشباع، والفلوس بتحقق ده، يعني الناس بتدفع فلوس مقابل تلبية احتياج أو إشباع رغبة، وهنا السؤال هما هيدفعو فلوسهم ليك ليه؟ لازم يبقى عندك حاجة هما في حاجة ليها، بالتالي اسأل نفسك: انته بتعرف تعمل إيه؟ علشان تعرف إزاي تجيب من مهاراتك دي فلوس وتحولها لمكسب.

“قد يهمك: دراسة جدوى مشروع ورق الكاشير


الطريقة الأساسية للحفاظ على المال التوقف عن إنفاقه

صورة بها يد إنسان تضع مال للإدخار في علبة بها مال بجوارها عملات معدنية متراصة فوق بعضها ضمن الطريقة الأساسية للحفاظ على مالك
ما الطريقة الأساسية للحفاظ على المال؟

الطريقة الأساسية للحفاظ على المال هي التوقف عن إنفاقه. دائمًا عقل الناس بيفكر أجيب منين؟ لدرجة إنه بينسى هو بيصرف فلوسه في إيه، وده المهم لازم يبقى عندك سياسة في الإنفاق وتقلل احتياجاتك على قد ما تقدر. احفظ القاعدة دي “الأثرياء يدخرون المال وينفقون ما تبقى، الفقراء ينفقون المال ويدخرون ما تبقى” بالتالي حضرتك محتاج الاهتمام بالتالي:

أولويات الإنفاق شيء أساسي في ازاي تعمل فلوس

لازم يبقى عندك قائمة أولويات للشراء، مش معنى إنك نفسك تشتري حاجة ومعاك فلوسها تشتريها، ده غلط لازم ترتب أولويات الإنفاق وتشتري الضروري فقط، ولازم تعرف بتشتري ده ليه والعائد منه إيه؟ بالتالي:

  • تحكم في رغباتك الشرائية.
  • ابعد عن الديون والقروض والقسط.
  • لو مش معاك تمن حاجة اوعى تفكر تشتريها إلا للضرورة القصوى.

العلاقات هي فريق ثروتك

بمعنى إنك هتكون شبه الناس اللي تعرفهم، فغصب عنك بنفكر بنفس تفكيرهم. لو عايز تغير فكرك المالي تعرف على ناس بتعرف تكسب وبتعرف تتعامل مع الفلوس، بمعنى “استثمر في الناس”.

التخلص من الاحتياج

الفلوس بتهرب من اللي بيجري وراها، أجبرها تجيلك لحد عندك. لازم تفكر الناس محتاجه إيه؟ وانته تقدر تقدم إيه، والناس هتدفع فلوس في إيه؟

أجل رغباتك ضروي في إزاي تكسب فلوس

تخلص من احتياجاتك وأجلها شوية لحد مرحلة الاستقرار المادي. درب نفسك تتحكم في رغباتها؛ علشان تقدر تحقق حاجة وتحتفظ بشوية فلوس تقدر تستثمرهم. افهم إن الطريقة الأساسية للحفاظ على مالك، هي التوقف عن إنفاقه.

“اقرأ عن: دراسة جدوى مطعم


كيف تصبح غنيا وازاي تجيب فلوس

علشان تتعلم كيف تصبح غنيا، لازم الشخص الأول يتخلص من الفقر ويبدأ في صناعة ثروة. لازم يتخلص من عقله الأول، لازم يبقى عنده فكر غني. عقلية الفقير بتفكر دايمًا في احتياجاتها طول الوقت، فهي عايزة فلوس زيادة علشان تقدر تشتري بيها احتياجات، فترجع تاني فقيرة وعايزه فلوس، وهكذا الاحتياجات لا تنتهي.

الرغبات الإنسانية متجددة، فلازم نأجل احتياجاتنا ونفكر في الادخار والاستثمار قبل الاحتياجات. الأغنياء دايمًا بيفكروا إزاي يوفروا الفلوس؛ علشان يستثمرونها، والفقير بيفكر يجيب فلوس منين ودايمًا بيشوف الفلوس لازم تيجي من بره مش هو اللي يعملها، ويستنى معجزة أو إنه يورث أو نظام البلد يتغير علشان يعرف يجيب فلوس.

الأغنياء بيفكروا إزاي يستغلوا الظروف ويكسبوا منها، لكن الفقير دائمًا شايف الظروف عائق، ونظام البلد والواسطة والفساد والقدر والنصيب كل دي حاجات واقفة ضده علشان يفشل، بالرغم إن في ناس كتير بينجحوا جنبه وقدامه في نفس الظروف. الفقير دائمًا بيدور على الأقل والأرخص وبيحب يمتلك حاجات كتير بتحسسه بالأمان، وبعدين يسأل نفسه هو اشتراها ليه أصلًا؟ الغني بيشتري اللي بيحتاجه بس واللي يحقق له قيمة أو يستفيد بيه.

ببساطة الفكر الغني، هو ناس بتعرف إزاي تجيب فلوس؟ وإزاي تستثمرها؟ ومتى تشتري احتياجاتها ومتى لا تشتريها؟ وبيشتغل علشان الفلوس جزء من الوقت، وصناعة الثروة أمر روتيني في حياته.

استثمر في عقلك، ده أهم استثمار أنجح استثمار ومستحيل يخسر، تعلم واقرأ ونمي عقليتك المالية لحد ما الفكر ده يبقى جزء من نظام تفكيرك. اعمل فلوس من الاستثمار في عقلك.

“اقرأ أيضًا: فوائد الرياضة


تخلص من الإدمان السلوكي

الإدمان السلوكي بمعنى وجود سلع إدمانية ويجب عليك التخلص منها. في بحوث تم عملها على أكثر سلع بتسبب الإدمان والناس بتفضل تشتريها مهما سعرها زاد، والسلع دي بيدخل فيها مواد بتسبب الإدمان فعلًا، مثل: النيكوتين (التدخين) والكافيين والدهون المشبعة والسكريات بأنواعها.

السلع دي هي أول سلع بتغلى وسعرها بيزيد بشكل كبير؛ لأن الشركات تبقى ضامنة إن الناس المدمنة هتستمر في شرائها مهما سعرها زاد. بالتالي يجب التخلص من السلع الإدماني؛ لأن ده هيخلق مرونة اقتصادية في سلوكك الشرائي، وتعمل فلوس من الهوا نتيجة الفلوس اللي هتوفرها من الإنفاق على الحاجات دي.

“قد يهمك: اكتئاب ما بعد الولادة


احذر من المجاني

خدها قاعدة مفيش حاجة مجاني، فما هو فخ مجانًا؟ هو إن أي حاجه مجانية بتبقى جزء من دعاية مدفوعة ونسبة الاستفادة منها لا تتعدى 10%، مثلًا كل المحتوى المجاني اللي غير مسروق من على الإنترنت لا يتعدى 10% من محتوى الموضوع. الكاتب/ روبرت كيوساكي بيقول: أصحاب العقلية الفقيرة بيدوروا علي أي شيء مجانًا، بدل ما يدوروا على المال اللي يشتروا بيه. لذا تعلم تدفع ثمن اللي محتاجه وفي حاجة له بدل ما تدفع ثمن اللي مش راغب فيه ولا محتاج له.

“اطلع على: باي بال PayPal”


تحكم في شرائك في الظروف الصعبة

في الظروف الصعبة لازم تتعلم تتحكم في الشراء. في الأوضاع الاقتصادية المضطربة سلوك الناس يلجأ للاحتفاظ بالمال في البداية، ومع استمرار الاضطراب بتبدأ الناس في الشراء بلا منطقية لعدة أسباب منها:

  • الخوف: الشراء بيتم بدافع التخلص من الخوف، وإحساس الامتلاك بيعزز إحساس الأمان الوهمي.
  • اليأس: إحساس الأفراد أن المال ليس له قيمه وأنه لو اشترى بيه حاجه هيبقى أفضل لأن قيمة الفلوس بتقل يوميًا.
  • النجاة: بما أن الفلوس قيمتها قليلة الناس بتحاول تعوض الخسارة، فتبدأ تحول الفلوس لأصول واستثمارات: تشتري عقار أو ذهب، بالتالي يخلق مشكلة في السوق وتضخم وفقاعات تودي في داهية.

“قد يهمك: 7ps of marketing mix


نصائح ازاي تعمل فلوس How to make money

صورة بها مجموعة من العلات المعدنية مرصوصة فوق بعضها وعليها ورق نبات وحولها طين ضمن نصائح ازاي تعمل فلوس
أهم نصائح ازاي تعمل فلوس

ختامًا أحب أقول إن علشان تعرف ازاي تعمل فلوس؟ لازم تعرف التالي:

  • تراقب السوق في الشراء ومتخليش مشاعرك تتحكم فيك.
  • بلاش تشتري حاجة غالية وليها بديل أرخص، بالتالي هتوفر فلوس وانت حصلت على مرادك.
  • بيع الحاجة اللي لست في حاجة لها ولا تستخدمها؛ لأن وجودها خسارة وبيعها مكسب.
  • بلاش تشتري اللي في مستوى إمكانياتك، واشتري بأقل من اللي تقدر تدفعه.
  • ازاي اجيب فلوس اكتر: تعلم حاجه من اتنين: تزود مصادر دخلك أو تقلل مصاريفك.
  • تعلم ازاى تعمل فلوس وأنت مسافر work travel.
  • فكر في المشروع اللي الناس تحتاج له، كمان امتلك المهارات للتسويق له.
  • العمل الجاد وابذل مجهود عشان تعمل دخل جيد يكفي البيت / المنزل ويكفي الاستثمار المستمر.
  • توفير مال بسرعة للاستثمار في المشاريع الناجحة التي تحقق ربح أكتر.

“تعرف على: أفضل أنواع الزنك في الصيدليات


الربح من الإنترنت Profit from the Internet

البعض وخصوصًا النساء اللي بلا عمل تسلك طريق “ازاي اشتغل على النت واجيب فلوس”، وده مجال واسع وهام، ويشمل الربح من الانترنت للمبتدئين الطرق الكثيرة، حيث يمكنك أن تكسب بعملة دولار بدل من عملتك المحلية (في مصر جنيه مثلًا) مثل:

  • اكسب فلوس من النت من عمل مقاطع الفيديوهات، مثل: الربح من يوتيوب (Profit from YouTube)، وهي اسرع حاجة تجيب فلوس لمن يجيد ذلك.
  • تقدر تعمل فلوس من كتابة المقالات ومن ترجمة الكتب.
  • فلوس من التيك توك بشكل حلال.
  • ازاي بعمل فلوس وانا بشاهد الإعلانات (تعمل كوسيط).
  • اكسب earn فلوس اون لاين من السوشيال ميديا، مثل: الربح من الفيسبوك (Profit from Facebook)، والربح من التليجرام (profit from Telegram)، والربح من إنستقرام (profit from Instagram) وغير ذلك.
  • كسب المال من المنصات التي تخص الربح بالعمولة (Commission profit).
  • احصل على المال باستخدام منصات العمل الحر (Freelance platforms).
  • الربح من موقع امازون (Profit from Amazon.).
  • صناعة تطبيقات الأندرويد والآيفون (Android and iPhone applications industry.).
  • الربح من جوجل profit from google، وهو أحد أهم طرق الربح من الإنترنت.
  • تعلم البرمجة من الصفر.
  • عمل موقع خاص بك وتسجيل دخول جوجل أدسنس لكسب المال من إعلانات Google adsense ads.
الصدقة فيها سحر وبتزود البركة في مالك، عود نفسك على التصدق بالمال فهي طاعة وهتزود فلوسك.

ازاي اجيب فلوس وانا قاعد في البيت؟

هناك مجموعة واسعة من الطرق لكسب المال وأنت قاعد في البيت، بما في ذلك التدوين وكتابة المقالات، والعمل الحر على المنصات المخصصة لذلك، والدروس الخصوصية أون لاين، وتصميم المنتجات الورقية على النت. يمكن للناس أيضًا كسب المال من الإنترنت عن طريق إنشاء مقاطع فيديو ومواقع الإنترنت وتصميم التطبيقات والتسويق بالعمولة.

كيف تكسب فلوس كتير؟

كسب فلوس كتير يكون من خلال عمل مشروع أو بيع خدمات يحتاج الناس لها بشكل كبير ومستمر، ابحث عن أفكار مشاريع جديدة أو مشاريع عليها طلب كبير لمنتجاتها.

ازاي اجيب فلوس وانا طالب؟

كطالب، يوجد عدة طرق لكسب المال أثناء الدراسة. إحدى هذه الطرق هي كسب المال من خلال إعطاء الدروس الخصوصية لمن هم في المراحل التعليمية الأقل منك. أيضًا، يمكن للطلاب العمل على الإنترنت لكسب دخل مناسب لهم. كما يمكنك العمل في المحلات أو الشركات التي تقبل العمل لساعات معينة لا تتعارض مع دراستك.

في هذا المقال تعرفنا على بعض النقاط التي سوف تساعدك في رحلة إزاي تعمل فلوس How to make money، وقد تناولنا هنا نصائح لتنمية مالك وفكرك ونقلك لتفكير الأغنياء بدل العيش في تفكير الفقراء وذلك من الطريقة الأساسية للحفاظ على المال، كما تعرفنا في هذا المقال على لماذا يسيطر الدولار على العالم؟ وختامًا أحب أقول: إن غالب اللي مكتوب هو مقتطفات من كتاب شريف سعيد “شفرة اللعبة”.

 

تابع موقعنا

تعليقات (0)
إغلاق